آزاد کشمیر میں مسلم لیگ (ن) کی حکومت عوامی فلاح و بہبود کے لیے کوشاں ہے، چوہدری مہران مہربان

اسلام گڑھ (نامہ نگار)

پاکستان مسلم لیگ (ن) اسلام گڑھ کے رہنما اور کونسلر چوہدری مہران مہربان نے کہا ہے کہ آزاد کشمیر میں وزیراعظم افتخار گیلانی کی قیادت میں مسلم لیگ (ن) کی حکومت عوامی فلاح و بہبود کے لیے بھرپور کوششیں کر رہی ہے۔ وزیراعظم عوام کو ترقی اور خوشحالی کی راہ پر گامزن کرنے کے لیے مسلسل محنت کر رہے ہیں، جس کے نتیجے میں خطے کے عوام کی زندگیوں میں مثبت تبدیلیاں آئیں گی۔

اپنے ایک بیان میں چوہدری مہران مہربان نے کہا کہ مسلم لیگ (ن) کی حکومت نے اقتدار سنبھالتے ہی عوام کے بنیادی مسائل کو ترجیح دی اور صحت، تعلیم، روزگار اور سڑکوں کی تعمیر سمیت مختلف شعبوں میں کام شروع کیا۔ وزیراعظم آزاد کشمیر افتخار گیلانی کی ذاتی دلچسپی اور نگرانی میں عوام کو ریلیف فراہم کرنے کے لیے اقدامات کیے جا رہے ہیں۔

انہوں نے کہا کہ آزاد کشمیر کے دور دراز علاقوں تک ترقی کے ثمرات پہنچانا حکومت کی اولین ترجیح ہے اور اس مقصد کے لیے تمام ممکنہ کوششیں کی جا رہی ہیں۔

چوہدری مہران مہربان کا کہنا تھا کہ مسلم لیگ (ن) ہمیشہ عوام کی نمائندہ جماعت رہی ہے اور میاں نواز شریف، میاں شہباز شریف اور محترمہ مریم نواز کے وژن کے مطابق غریب عوام کی خدمت کو اپنا مقصد بنائے ہوئے ہے۔

انہوں نے کہا کہ میاں نواز شریف اور میاں شہباز شریف کی قیادت میں مسلم لیگ (ن) آزاد کشمیر کے عوام کے حقوق کے تحفظ اور ان کی بہتری کے لیے جدوجہد جاری رکھے ہوئے ہے۔

ان کے مطابق وزیراعظم آزاد کشمیر افتخار گیلانی کی قیادت میں حکومت معاشی استحکام، نوجوانوں کے لیے روزگار کے مواقع پیدا کرنے اور خواتین کی فلاح و بہبود کے لیے متعدد پروگرام شروع کرنے جا رہی ہے۔