ہمبنٹوٹا: پاکستان ویمن کرکٹ ٹیم نے تین میچوں پر مشتمل ون ڈے سیریز کے پہلے مقابلے میں سری لنکا کو 5 وکٹوں سے شکست دے کر سیریز میں 1-0 کی برتری حاصل کر لی۔
میچ میں سری لنکا ویمن ٹیم نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 210 رنز اسکور کیے۔
پاکستان کی جانب سے اسپنر نشرہ سندھو نے عمدہ بولنگ کرتے ہوئے 3 کھلاڑیوں کو آؤٹ کیا، جبکہ تسمیہ رباب نے 2 وکٹیں اپنے نام کیں۔
211 رنز کے ہدف کے تعاقب میں پاکستان ویمن ٹیم نے 43 اوورز میں 5 وکٹوں کے نقصان پر مطلوبہ اسکور مکمل کر لیا۔
پاکستان کی فتح میں گل فیروزہ نے 78 رنز کی شاندار اننگز کھیل کر نمایاں کردار ادا کیا، جبکہ سدرہ امین نے 57 رنز بنا کر کامیابی میں اہم حصہ ڈالا۔
سیریز کا دوسرا ون ڈے میچ ہفتے کو کھیلا جائے گا، جہاں پاکستان کو سیریز اپنے نام کرنے جبکہ سری لنکا کو مقابلہ برابر کرنے کا موقع حاصل ہوگا۔
About the Author
