آزاد کشمیر (ڈسٹرکٹ نیوز) وزیراعظم آزاد کشمیر افتخار گیلانی نے فتح-2 میزائل کے کامیاب تجربے پر قوم کو مبارکباد دیتے ہوئے فیلڈ مارشل سید عاصم منیر، آرمی راکٹ فورس کمانڈ کے کمانڈر، پاک فوج کے سینئر افسران، سائنس دانوں اور انجینئرز کی خدمات کو سراہا ہے۔
اپنے بیان میں وزیراعظم آزاد کشمیر نے کہا کہ فتح-2 میزائل کا کامیاب تجربہ پاکستان کی دفاعی صلاحیتوں، جدید ٹیکنالوجی اور سائنسی ترقی کی عکاسی کرتا ہے۔ انہوں نے کہا کہ ملکی دفاعی خودمختاری برقرار رکھنے اور قومی سلامتی کے تحفظ میں مسلح افواج اور دفاعی سائنس دانوں کا کردار اہم ہے۔
وزیراعظم آزاد کشمیر کا کہنا تھا کہ دفاعی شعبے میں سائنسی تحقیق اور جدید ٹیکنالوجی کا فروغ ملک کے دفاع کو مضبوط بنانے میں معاون ثابت ہو سکتا ہے۔ انہوں نے میزائل تجربے سے وابستہ فوجی حکام، سائنس دانوں اور انجینئرز کی کاوشوں کو سراہتے ہوئے اسے پاکستان کی دفاعی استعداد میں اضافے کی جانب اہم پیش رفت قرار دیا۔
About the Author
