حکومت نے پیٹرولیم مصنوعات کی قیمتوں میں کمی کا اعلان کرتے ہوئے پیٹرول کی نئی فی لیٹر قیمت 362 روپے مقرر کردی ہے۔
آئل اینڈ گیس ریگولیٹری اتھارٹی (اوگرا) کے ترجمان کی جانب سے جاری اعلامیے کے مطابق وفاقی حکومت کے منظور کردہ طریقہ کار کے تحت پیٹرولیم مصنوعات کی قیمتوں میں ردوبدل کرتے ہوئے پیٹرول اور ڈیزل سستا کردیا گیا ہے۔
جاری نوٹیفکیشن کے مطابق پیٹرول کی فی لیٹر قیمت میں 7 روپے 6 پیسے کمی کی گئی ہے، جس کے بعد اس کی نئی قیمت 362 روپے فی لیٹر ہوگئی ہے۔
اسی طرح ہائی اسپیڈ ڈیزل بھی 3 روپے 71 پیسے فی لیٹر سستا کردیا گیا ہے، جس کے بعد اس کی نئی قیمت 387 روپے 81 پیسے مقرر کی گئی ہے۔
اوگرا کے نوٹیفکیشن کے مطابق پیٹرولیم مصنوعات کی نئی قیمتوں کا اطلاق 5 نومبر 2026 کے لیے ہوگا۔
واضح رہے کہ حکومت نے گزشتہ روز بھی پیٹرول اور ڈیزل کی قیمتوں میں کمی کی تھی، جس کے بعد ان کی فی لیٹر قیمتیں بالترتیب 369 روپے 6 پیسے اور 391 روپے 52 پیسے مقرر کی گئی تھیں۔
About the Author
