عالمی مارکیٹ میں خام تیل کی قیمتوں میں معمولی اضافہ
لندن: عالمی مارکیٹ میں خام تیل کی قیمتوں میں معمولی اضافہ ریکارڈ کیا گیا ہے، جبکہ سرمایہ کار اقوام متحدہ کی جنرل اسمبلی کے اجلاس کے دوران امریکا اور ایران کے درمیان ممکنہ مذاکرات سے متعلق پیش رفت پر نظریں جمائے ہوئے ہیں۔
خبر رساں ادارے رائٹرز کے مطابق برینٹ خام تیل کے نومبر کے معاہدے کی قیمت 22 سینٹ یا 0.22 فیصد اضافے کے بعد 100.57 ڈالر فی بیرل ہوگئی۔
امریکی ویسٹ ٹیکساس انٹرمیڈیٹ (WTI) کے اکتوبر کے معاہدے کی قیمت میں بھی 2 سینٹ کا اضافہ ہوا، جس کے بعد یہ 95.80 ڈالر فی بیرل پر پہنچ گئی۔
اسی طرح زیادہ فعال طور پر ٹریڈ ہونے والے نومبر کے معاہدے کی قیمت 13 سینٹ یا 0.14 فیصد بڑھ کر 92.49 ڈالر فی بیرل ہوگئی۔
خام تیل کی قیمتوں میں یہ معمولی بہتری گزشتہ چند روز کی مسلسل کمی کے بعد سامنے آئی ہے۔ مارکیٹ میں اس وقت سرمایہ کاروں کی توجہ اقوام متحدہ کی جنرل اسمبلی کے اجلاس پر مرکوز ہے، جہاں امریکا اور ایران کے درمیان ممکنہ رابطوں اور مذاکرات کے حوالے سے کسی پیش رفت کا انتظار کیا جا رہا ہے۔
گزشتہ ہفتے امریکا اور ایران کے درمیان سخت بیانات کا تبادلہ ہوا تھا، تاہم امریکی صدر ڈونلڈ ٹرمپ نے ایرانی صدر مسعود پزشکیان سے ملاقات کے امکان کو مسترد نہیں کیا۔ ایرانی صدر کی بھی جنرل اسمبلی کے اجلاس میں شرکت کے لیے نیویارک آمد متوقع ہے۔
ماہرین کے مطابق امریکا اور ایران کے درمیان سفارتی پیش رفت یا کشیدگی میں کمی کے امکانات عالمی منڈی میں خام تیل کی قیمتوں پر اثرانداز ہوسکتے ہیں۔
About the Author
