حوثی حملوں میں 73 افراد زخمی، یمن میں لڑائی بھی شدت اختیار کرگئی
ریاض: یمن کے حوثی گروپ انصاراللہ کی جانب سے سعودی عرب کے مختلف شہروں پر کیے گئے حملوں میں 73 افراد زخمی ہوگئے، جن میں خواتین اور بچے بھی شامل ہیں۔
سعودی اتحادی فورس کے مطابق حوثیوں نے ابہا، خمیس مشیط، نجران اور جازان سمیت مختلف علاقوں میں حملے کیے، جن میں شہری اور اقتصادی تنصیبات کو نشانہ بنایا گیا۔ سعودی اتحادی فورس نے حملوں کی مذمت کرتے ہوئے حوثیوں کو سخت جواب دینے کا اعلان کیا ہے۔
دوسری جانب عرب میڈیا کے مطابق یمن کے صوبوں البیضا اور الجوف میں حکومتی فورسز اور حوثیوں کے درمیان جھڑپوں میں بھی شدت آگئی ہے۔
یمنی فورسز نے حوثیوں کے خلاف مزید کارروائی جاری رکھنے اور دارالحکومت صنعا دوبارہ حاصل کرنے کے عزم کا اظہار کیا ہے۔ نائب وزیر دفاع میجر جنرل سمیر الصبری کے مطابق حوثیوں کے خلاف فوجی کارروائیاں جاری رہیں گی۔
سعودی عرب اور یمن کے درمیان بڑھتی ہوئی کشیدگی کے باعث خطے کی سکیورٹی صورتحال مزید پیچیدہ ہونے کا خدشہ ظاہر کیا جارہا ہے۔
About the Author
