اسلام آباد: حکومت نے پیٹرولیم مصنوعات کی قیمتوں میں نمایاں ردوبدل کرتے ہوئے ہائی اسپیڈ ڈیزل کی قیمت میں بڑی کمی جبکہ پیٹرول کی قیمت میں اضافہ کردیا ہے۔
حکومت کی جانب سے جاری نوٹیفکیشن کے مطابق ہائی اسپیڈ ڈیزل 32 روپے 63 پیسے فی لیٹر سستا کردیا گیا، جس کے بعد اس کی نئی قیمت 363 روپے 6 پیسے فی لیٹر مقرر ہوگئی ہے۔
دوسری جانب پیٹرول کی قیمت میں 2 روپے 97 پیسے فی لیٹر اضافہ کیا گیا ہے۔ اضافے کے بعد پیٹرول کی نئی قیمت 337 روپے 51 پیسے فی لیٹر ہوگئی ہے، جو پہلے 334 روپے 54 پیسے تھی۔
حکام کے مطابق نئی قیمتوں کا اطلاق 20 اگست 2026 سے ہوگا۔ قیمتوں میں یہ تبدیلی آئل اینڈ گیس ریگولیٹری اتھارٹی (اوگرا) کی جانب سے مقررہ طریقہ کار کے تحت کی گئی ہے۔
حکومت کی جانب سے ڈیزل کی قیمت میں بڑی کمی کا فیصلہ آئل ریفائنریز کے ساتھ مذاکرات کے بعد سامنے آیا، جبکہ پیٹرول کی قیمت میں اضافے کے باعث صارفین کو اس حوالے سے اضافی بوجھ برداشت کرنا پڑے گا۔
یوں نئی قیمتوں کے تحت ڈیزل صارفین کو نمایاں ریلیف ملا ہے، تاہم پیٹرول استعمال کرنے والوں کے لیے قیمت میں اضافہ کردیا گیا ہے۔
About the Author
