پشاور: گورنر خیبرپختونخوا فیصل کریم کنڈی نے کہا ہے کہ صوبے میں گورنر راج کے نفاذ کے حوالے سے مشاورت ہوئی ہے اور آئین میں اس کی گنجائش موجود ہے۔
میڈیا سے گفتگو کرتے ہوئے فیصل کریم کنڈی نے صوبے میں امن و امان کی صورتحال اور تحریک انصاف کے لانگ مارچ کا ذکر کرتے ہوئے کہا کہ صوبائی حکومت کو پولیس کی ضروریات اور مسائل پر توجہ دینی چاہیے۔
انہوں نے وزیراعلیٰ خیبرپختونخوا کی جانب سے ڈی ایس پیز کی بھرتیوں میں 25 فیصد کوٹے کے مطالبے کا بھی ذکر کیا اور کہا کہ وہ پولیس کے تحفظ کے لیے اپنا کردار ادا کریں گے۔
گورنر خیبرپختونخوا نے کہا کہ صوبے میں کرپشن، لاقانونیت اور دہشت گردی کے مسائل موجود ہیں، جبکہ گورنر راج کا نفاذ ان کے مطابق غیر آئینی اقدام نہیں ہوگا۔
فیصل کریم کنڈی نے مزید کہا کہ انہیں امکان ہے کہ تحریک انصاف آج یا کل لانگ مارچ ختم کرنے کا اعلان کر سکتی ہے۔ ان کا کہنا تھا کہ صوبے کی امن و امان کی صورتحال کو بھی مدنظر رکھنا ضروری ہے۔
About the Author
