پاکستان اور سری لنکا کی کرکٹ ٹیمیں سہ فریقی سیریز کے اہم میچ میں آج لاہور میں مدمقابل ہوں گی۔ دونوں ٹیمیں انگلینڈ کے خلاف کامیابیوں کے بعد میدان میں اتریں گی، جس کے باعث دلچسپ مقابلے کی توقع ہے۔
سری لنکا نے گزشتہ میچ میں انگلینڈ کے خلاف 430 رنز کا ہدف حاصل کرکے ون ڈے کرکٹ کی تاریخ کا دوسرا بڑا ہدف کامیابی سے عبور کیا تھا۔ ٹیم اس کارکردگی کو برقرار رکھتے ہوئے پاکستان کے خلاف بھی فتح حاصل کرنے کی خواہش مند ہے۔
پاکستان نے بھی انگلینڈ کے خلاف دونوں میچوں میں کامیابی حاصل کی۔ پہلے میچ میں عرافات منہاس نے عمدہ کارکردگی دکھائی، جبکہ دوسرے مقابلے میں شاداب خان کی بیٹنگ نے ٹیم کو مشکل صورتحال سے نکال کر فتح دلائی۔
پاکستان پہلے ہی سہ فریقی سیریز کے فائنل کے لیے کوالیفائی کرچکا ہے، اس لیے ٹیم انتظامیہ اہم کھلاڑیوں کو آرام دے کر متبادل کھلاڑیوں کو موقع دینے پر غور کرسکتی ہے۔ دوسری جانب انگلینڈ کی فائنل میں رسائی کی امیدیں بھی پاکستان کی کامیابی سے وابستہ ہیں، جبکہ سری لنکا اس میچ میں کامیابی کے ذریعے اپنی فارم اور اعتماد برقرار رکھنا چاہے گا۔
About the Author
